دولمة كرم رولي بصلصة الجبن باهية وبنينة
السلام عليكم ورحمة الله وبركاته
بقيت نخلط في الاطباق القتصادية حتى تحصلت على هذا الطبق اللذيذ و البريزونتابل حتى للضياف هو خذيت الفكرة من ام رامي وام تاج
فالعديد منالناس وخاصة الاطفال ما يحبوش هذا النوع من الخضر ولي لها فائدة
بدن اطالة
المقادير:
نحتاج بصلة متوسطة نقسمها لنصفين
أوراق كرنب
ملعقة ارز مغسولة ومقطر
ثوم 5 فصوص
قطع لحم او دجاج او حتى قطعة واحدة فقط انا نفضل الجاج
لحم مفرووم((( صدر دجاج مفروم)
بطاطا
بيضان
ملح , فلفل اسود وراس حانوت
زيت
زيتون اخضراو فطر
طريقة التحضير:
أول شيء نحضر اللحم المرحي نتبلو بملح وفلفل اكحل ونضيف لو نص بصلة مقطعة رقيق ثوم مسكرفج ومعدنوس مققطع رقيق ملعقة زيت بيضة, ملعقة ارز ولآ حبيتو تزيدو رشة خفيفة المايزينة ونعجن الخليط , نخليهه بجههة يتشرب التوابل
من جهة نقشرو البطاطا ونفرغوها راكو تعرفوها كامل نتبلوها من داخل برشة خفيفة ملح وفلفل اسود
نغلو الزيتون ثلاث مرات في برج قارس وشوية سكر باه تتنحالو المرورية ويحافظ على لونو
وفي قدر نحط قطع الدجاج أو اللحم نرابي نص بصلة وفصين ثوم ونزيد عليه التوابلوزيتون ونكونو عمرنا البطاطا بحشوة اللحم مع ملعقة زيت يتقلاو شوية ونمرق شوية زيادة كي تبدى تنقص المرقة للنص وتكون بطاطا طايبة نطفي عليه
من جهة نفورو اوراق الكرنبيط تبدى تذبال نحوها
نحطوورق بلستيكي شفاف ونفرش عليه الكرم ونتبل فلفل ملح ندهنوه بالبيض ونحط اللحم المرحي ونزيد عليه جبن الطلي انا مكانش عندي راح يعطي طراوة وبنة للحم نروليه بمساعدة البلاستيك نتحصلو على بودان ندهنوه بالبيض
نكونووجدنا مول مدهون بمارغارين مش زبدة هههه غالية
نحطوه فيه ونمفرغو عليه شوية من مرق للفرن لحرارة200 د حتى تشوفوه طاب ونط عليه
هنا لكم الاختيار تخثرو المرقة لي بقات, تحطو البطاطا في صحن التقديم وتقطعوا الرولي وتزينوه بالمرقة وزيتون ورشة معدنوس بصح ماخثرتهاش
ولآ تقطعو دوائر من الرولي وتستفوه في بايركس مع البطاطا وزيتون وهذيك المرقة ضيفو عليها جبن وملعقة فرينة تخثار شوية نفرغوها على دوائر نخلوها تتجمر شوية في الفور تاخذ طعم الغرتان مممممآممممم
ونرابي فرماج عليها انا غير متوفر
وبصحتين وعافية
ان شاء الله تجربوه ويعجبكم راه خفيف
الرئيسية
