هو موضوع منتشر ومطلوب من تقريبا معظم الناس حتى الشيوخ او اللى لهم صله او علاقه باشياء خفيه بيطلبوا الكشف لامر بأنفسهم .. الله اعلم بقى لاثبات الثقه او الغرور او التظاهر والتحدى والاستعراض ايا كان فالله اعلم بالنوايا ...
الكشف : مش هنقول بيتم ازاى لان كل واحد وله طريقته .. فيه اللى بالبصيرة والخاطر .. وفيه اللى باستخدام من معه من جن .. وفيه كشف بالطاقه .. وفيه بدروب التنجيم .. وفيه بما يسمى بحساب الحرف والاسم وغيرها كثير ..
الكشف .. نفعه وضرره :
رأيى الخاص : أنه مهما كان حقيقى وصادق فهو ضرره أكثر من نفعه ..
لماذا ...؟؟؟؟
الكشف يثبت ثلاثة اشياء ( مرض - صحه - وجود شيء مع طالب الكشف (روحانية وملوك ومعرفش ايه ... )
لو قلنا فيك مرض (سحر- مس- او غيره) >> انت اوجدت في نفس المكشوف ليه وهم وحتى ولو صح .. وهينسب اى لخبطه فى حياته للمرض ده ويمكن تكون نفسه هى التى تجلب له المتاعب بتقصيره . وبعده عن ربه ..
لو قلنا بقى ( معاك روحانيه وملوك كذا وسياف وملكه و غيره )
لو اعتقد فى كلامك يبقى كدا انت سلمته جاهز فريسه لتلاعب الشياطين اللى هتحوم حواليه لاثبات الكشف .. الملوك بقى هتحضر ..
الكشف : الدليل انه مضر .. تضارب الكشف كم واحد للتانى ومن جروب لاخر وكل كشف غير التانى >>> انما الحقيقه المفروض انها لا تتغير مع تعدد الكشافين .
الكشف وخداعه >> ممكن اجيبلك صورة وجه واحد متوفى من 10 سنين واقولك اكشف عليه ( وانت ايها الكشاف تنطلق بقى .. معاه روحانيه ومحسود وعنده تعطيل زواج ومس عاشق .. وهو اصلا هناك بقى تراب فى تربته )
بديل الكشف >>
((التمحيص والتصفيه والتطهير بأيات الله )) >> يعنى ايه ؟؟؟؟
من حد كويس وربنا من عليه بعطاء وصلاح الحال يعرض كيان من طلب الكشف على بعض ايات الله ويسمع منه بصوته طبعا مع الطاعه والطهارة والالتزام .. هتظهر الامور بفضل الله .. دا مش مجرب لا دا يقينى الحدوث ..
اى عارض او اى اثر لطاقة سلبيه من تعدى شيطانى او حتى تعب نفسي هيظهر قدامك بتيسير الله مع صدق المعالج او الشيخ او الروحانى ويقين المصاب بأن كلام الله فيه البيان والشفاء ..
نور الله وكلماته وقرآنه يكشف ما فيك من ظلمه ويحموها ويفتح عليك من الخيرات والاسرار والانوار ووكل ماهو نافع سيقترب منك وتحيطك جنود الله وما يعلم جنود ربك الا هو
الرئيسية
