السلام عليكم ورحمة الله وبركاته
كيف احوالكن اخواتي ان شاء الله تكونو كامل بالف خير
الدحاج المفور يجي رايع وما يجيش ناشف ونتمنى تجربوه ويعجبكم
التتبيلة :2ملاعق مايونيز ومعدنوس مقطع رقيق
وثوم مرحي و2مغارف زيت زيتون وملعقة كبيرة ملح
وملعقة طماطم مصبرة وتوابل راس الحانوت وكمون
وزنجبيل وكركم وقرفة وزعتروملعقة عسل وعصيرليمونة
نخلطهم كامل مع بعض ثم نحط الدجاجة في التتبيلة
ونحاول ندخل التتبيلة في كل الاطراف من برا ومن
داخل ونغطيها ونخليها تتشرب مليح من الخلطة
عالاقل ساعتين
الحشو:نص كاس ارز طايب نص طياب وكمية من الجلبانة
وكمية من الجزر وحبات لوز اختياري نخلطهم مع بعض
ونعملهم شوي توابل وملح وفلفل احمر بودر
نحضر بابيفيلم ونحط الدجاجة ونعمرها بالحشو ونغلق
الفتحة بالخيط ونربط رجلها باش ما تهربش ههههه
ونصب عليها واش تبقى من الخلطة ونلفها جيداونزيد
نلفها في بابي المنيوم ونحطها في الكسكاس فوق
الماء يغلي ونزيد نغطي الكسكاس بكيس بلاستيكي
عاديى ونخليها تفورمن ساعة نص لساعتين حسب حجم
الدجاجة وبعد نفتح عليها ونحتفظ بالصوص وندهن الدجاجة
بخليط زبدة وزيتوندردر عليهاشوي ملح وندخلهاا للفرن تتحمر
الرئيسية
